Numbers 20:17 — Compare Translations

Mien Bible (Thai Script) © Thailand Bible Society, 2007

โท้ ปุน เยีย บัว เจี๋ย เม่ย เญย เต่ย-ปูง. เยีย บัว ไม้ ยั่ง เด่ย, ไม้ ยั่ง อะหงุ่น หฮวีง เจี๋ย, หย่า ไม้ ฮบ หาย นอม ววม-ค้วด เญย ววม. เยีย บัว ขูง ยั่ง ฮู่ง เตี๋ย เญย ต้ม เจ๊า มี่ง ฮนั้ง, ไม้ มี่ง หฒาย หย่า ไม้ มี่ง บย่าว เถา เจี๋ย จ่ม เม่ย เญย กั๊บ-จ๋าย.”

ฉบับอักษรโรมันใหม่ - Thailand Bible Society, 2007

Tov bun yie mbuo jiex meih nyei deic-bung. Yie mbuo maiv yangh ndeic, maiv yangh a'ngunc huingx jiex, yaac maiv hopv haaix norm wuom-kuotv nyei wuom. Yie mbuo kungx yangh hungh diex nyei domh jauv mingh hnangv, maiv mingh zaaix yaac maiv mingh mbiaauc taux jiex jomc meih nyei gapv-jaaix.”