Revelation 5:13 — Compare Translations

Mien Bible (Thai Script) © Thailand Bible Society, 2007

เยีย หย่า ไฮ์ เยียม ทิน-ต้อง, เยียม ป้าม เกน, เยียม เดา-เดี๊ย, เยียม ค้อย กะญั์ว, ทิน-ฮู่ง เหฒย ต้าย ม่าย เฉีย เญย หม่าน หมวด กะน้าย ล่ม ฑ่อย ก๊อง, ‘เธง เฒว์ย เจี๊ยน ฮู่ง เหว่ย วั้ว เต้า, หย่า เธง ปะกี ยู่ง ตอน, เหว่ย หฒุ นิ่น บัว ม่าย เม่ง โห่, ม่าย ฌัง-หล่าง หย่า ม่าย ชะ เถา หม่าน โก๊ว หม่าน ต่อย.’

ฉบับอักษรโรมันใหม่ - Thailand Bible Society, 2007

Yie yaac haiz yiem tin-dorngh, yiem baamh gen, yiem ndau-ndiev, yiem koiv gu'nyuoz, Tin-Hungh zeix daaih maaih qiex nyei maanc muotc ga'naaiv lomh nzoih gorngv, ‘Ceng zueiz jienv hungh weic wuov dauh, yaac ceng Ba'gi Yungh Dorn, weic zuqc ninh mbuo maaih mengh hoc, maaih njang-laangc yaac maaih qaqv taux maanc gouv maanc doic.’