1 Thessalonians 5

Mien Bible (Thai Script) © Thailand Bible Society, 2007

← Chapter 4 Jump to:

1หฒวัง ก๋อ-โย์ว อ่า, ก๊อง เถา น้าย เต๋ย สี่ หาย นอม เฒี่ยง โห่ หาย นอม หญุด เฒ้ย อ๋อย ธ้วด ไม้ หฒุ เฟี้ย บั๋ว เม่ย บัว,

2เหว่ย หฒุ เม่ย บัว เม่งๆ เญย ฮิ้ว ตุ๊ เฒี้ยว ต้าย เญย ฮนอย อ๋อย เถา ฮนั้ง จั๋น-หฒะ ลู่ง ม์วน หฒั่น ต้าย วั้ว นอ.

3หฒวัง เมี่ยน ก๊อง, “ถาย-แป้ง อ๊ะโล่ะ! ไม้ หฒุ กั้ม เหฑีย อ๊ะ,” วั้ว หฒั่น นิ่น บัว ฯฒฯ เลี่ยม เฒ่ย หฒุ เหมียด, ฮนั้ง มเซียะ ตอน เลี่ยม เฒ่ย มุน กู้งว์า นอ. ไม้ ไฮ่ เปย๋า ไม้ ดุ๊ด.

4ก๋อ-โย์ว อ่า, เม่ย บัว ไม้ เฒ์ย เยียม หฮมวัง กะญั์ว. ฮนั้ง หน่าย, วั้ว นอม ฮนอย ไม้ หอบ หฒุ เถา ฮนั้ง จั๋น-หฒะ ต้าย นอ.

5เม่ย บัว เหยียด ฒู้ง โหฒว เยียม ฌัง เญย เมี่ยน หย่า เกวย ลู่ง ฮนอย หฒั่น. บัว ไม้ เฒ์ย เกวย ลู่ง ม์วน หฒั่น ไฟ โหฒว เยียม หฮมวัง เญย เมี่ยน.

6ฮนั้ง น้าย, บัว ไม้ ตู๋ง ฮนั้ง เหญี่ย เญย เมี่ยน มฌ่อม. อ๋อย หฒุ กีง เจี๊ยน เฮญี้ยว, กุ๊น เจี๊ยน กั้น,

7เหว่ย หฒุ เปว๋ย มฌ่อม เญย เมี่ยน เซ ลู่ง ม์วน หฒั่น มฌ่อม. ติ๊ว ฆวิน เญย เมี่ยน ลู่ง ม์วน หฒั่น ฆวิน.

8มป่า บัว เกวย ลู่ง ฮนอย หฒั่น, ฯฒฯ อ๋อย หฒุ กุ๊น ตุ๊ กั้น. อ๋อย หฒุ หล่ง เสียน เยซู เญย เฮญี้ยว เหธา ฮนั้ม เมี่ยน เญย เฮญี้ยว โหฒว เฮลียะ-จ๊าบ ปวัง เจี๊ยน หละค้วด. หย่า อ๋อย หฒุ ม่าย ลั่ม ฮนั้ม อ๋อย ตุ๊ เหฌียว เหว่ย โหฒว เฮลียะ-หมั่ว ด๋ง เจี๊ยน.

9ทิน-ฮู่ง กิ๊น บัว ต้าย ไม้ เฒ์ย เหว่ย อ๋อย ปุน บัว หฒุ นิ่น โน์ว. นิ่น อ๋อย ปุน บัว เขา เฒี้ยว เยซู กีตู่ ตุ๊ เหฌียว.

10กีตู่ เหว่ย บัว ไต่. ฮนั้ง หน่าย, นิ่น แอ๋ง ต้าย วั้ว หฒั่น, ไม้ กุ๊น บัว เฒี่ยง เจี๊ยน ไฟ ไต่ มี่ง, นิ่น อ๋อย ปุน บัว เหธา นิ่น เยียม.

11เหว่ย น้าย อ๋อย หฒุ ล่าน เถง ล่าน หฒูง ชะ, ล่าน เถง ล่าน เหธย เจี์ย ต้าย, ฮนั้ง อี้ หฒั่น เม่ย บัว โหฒว เญย นอ.

12หฒวัง ก๋อ-โย์ว อ่า, เยีย บัว โท้ เม่ย บัว อ๋อย หฒุ ท่าย เยียม เม่ย บัว บุด๋ง ธ้วด ชะ โหฒว กง เญย เมี่ยน, ต้ง เหว่ย เฒี้ยว เยซู กุ๊น เม่ย บัว, หฌาว เม่ย บัว วั้ว เต๋ย.

13อ๋อย หฒุ เหว่ย นิ่น บัว โหฒว เญย กง หลงๆ เญย ท่าย หย่า ฮนั้ม นิ่น บัว. ล่าน หย่า อ๋อย หฒุ เหธา ล่าน แป้ง ออน เญย เยียม.

14หฒวัง ก๋อ-โย์ว อ่า, เยีย บัว โท้ เม่ย บัว อ๋อย หฒุ ขวิน เมี่ยน เหลว่ย เมี่ยน, อ๋อย หฒุ เถง ต๊าม ไฝ เญย เมี่ยน หฒูง ต๊าม, อ๋อย หฒุ เถง เมา เญย เมี่ยน, หย่า อ๋อย หฒุ หล่ง หน่อย ต๋าย หฒวัง เมี่ยน.

15อ๋อย หฒุ ไฝ ฟิม, ไม้ ตู๋ง ปุน หาย เต้า โหฒว เอ๊าะ วิ่น เอ๊าะ. มป่า ล่าน อ๋อย หฒุ หฒั่นๆ ล์อ ฉัง โหฒว หลง ปุน ล่าน หย่า โหฒว หลง ปุน หฒวัง เมี่ยน.

16อ๋อย หฒุ หฒั่นๆ ออน-เหลาะ.

17หย่า อ๋อย หฒุ ไม้ ตี้ง เลี่ยว เญย เต๋า เก๋า.

18เยียม หม่าน สี่ อ๋อย หฒุ แล์ง ฒี่ง ทิน-ฮู่ง. เม่ย บัว เหธา กีตู่ เยซู จวั่ง แหม่ง เฒี่ยง, ทิน-ฮู่ง ฯฒฯ อ๋อย เม่ย บัว ฮนั้ง น้าย นอ โหฒว.

19ไม้ ตู๋ง เบ๊าะ ไต่ สีง ลี่ง เญย โต์ว.

20ไม้ ตู๋ง หมั่ง เผีย สีง ลี่ง ปุน เมี่ยน โต่ว ต้าย เญย หว่า.

21อ๋อย หฒุ เสย หมั่ง หญู่งๆ. หลง เญย อ๋อย หฒุ เอย เจี๊ยน โหฒว.

22หญู่งๆ เอ๊าะ เญย อ๋อย หฒุ ซิ้ม ฆอย.

23โท้ เหธย แป้ง ออน เญย ทิน-ฮู่ง ปุน เม่ย บัว ธีง-เหฑ่ง เถา ต้าว, หย่า เปว เจี๊ยน เม่ย บัว เญย ลี่ง ว่วน, เม่ย บัว เญย เฮญี้ยว, เม่ย บัว เญย ซิน, เถา เฒี้ยว เยซู กีตู่ แอ๋ง ต้าย วั้ว หฒั่น ฯฒฯ ไม้ ม่าย ต๋อง เฆ่ม.

24เห่ว เม่ย บัว ต้าย วั้ว เต้า เซ เหฒียบ ฒัวะ เญย. นิ่น อ๋อย ฮนั้ง น้าย นอ โหฒว เหฒียง.

25หฒวัง ก๋อ-โย์ว อ่า, โท้ เม่ย บัว เถง เยีย บัว เต๋า เก๋า.

26หวุ่ย ปวั้ง เญย เฒี่ยง โห่ อ๋อย หฒุ โหฒว เฮญี้ยว ธีง-เหฑ่ง ฒม เฮมียน หน่าย แป้ง ออน.

27เยีย หล่ง เฒี้ยว เญย หัด ม์า บั๋ว เม่ย บัว, เม่ย บัว อ๋อย หฒุ โตะ น้าย เฒ้ย เฝียน ปุน หฒวัง ก๋อ-โย์ว หมวัง.

28โท้ เฒี้ยว เยซู กีตู่ เหธย เอน ปุน เม่ย บัว.

← Chapter 4 Jump to: