2 Chronicles 19:10 — Compare Translations

Javanese Bible 1981 (Kitab Sutji)

Ing saben prakara kang diajokake marang sira dening para sadulurira kang padha manggon ing kutha, yaiku prakara ngwutahake getih, utawa bab angger-angger dhedhawuhan, katetepan lan pranatan, wong-wong iku padha sira elingna, supaya aja nganti kaluputan marang Pangeran Yehuwah, satemah sira lan para sadulurira padha katempuh ing bebendune. Padha tumindaka mangkono, sira ora bakal padha kaluputan.

Javanese KJS17 (Kitab Jawa Suriname)

Ing saben perkara sing diajokké marang kowé karo para sedulurmu sing pada manggon ing kuta, ya kuwi perkara ngutahké getih, utawa bab angger-angger, katetepan lan pernatan, wong-wong kuwi pada sampéyan élingna, supaya aja nganti kesalahan marang GUSTI, terus sampéyan lan para sedulurmu pada katekan karo bebenduné. Pada tumindaka mengkono, sampéyan ora bakal pada kesalahan.