2 Chronicles 7:6 — Compare Translations

Javanese Bible 1981 (Kitab Sutji)

Para imam wus padha mapan ana ing panggonane. Samono uga para wong Lewi iya wus padha samekta piranti-piranti musik kanggo ngluhurake Pangeran Yehuwah, yaiku -- piranti-piranti musik yasane Sang Prabu Dawud kanggo ngiringi kidung panuwun konjuk marang Sang Yehuwah: “Sih-kadarmane iku pranyata langgeng ing salawase!” yaiku samangsa Sang Prabu Dawud dhawuh supaya padha ngidungake pepujian. Manawa pinuju mangkono iku para imam padha ngadeg ngadhepake wong-wong mau kambi ngunekake kalasangka, dene wong Israel padha ngadeg kabeh.

Javanese KJS17 (Kitab Jawa Suriname)

Para imam wis pada mapan ing panggonané. Mengkono uga para wong Lèwi ya wis pada tata-tata piranti-piranti musik kanggo ngluhurké GUSTI, ya kuwi piranti-piranti musik sing digawé karo Daved kanggo ngiringi kidung maturkesuwun ngadep marang GUSTI: “Katrésnané kuwi nyata langgeng ing selawasé!” ya kuwi yèn Daved ngongkon supaya pada ngidungké pamuji. Yèn nalika mengkono kuwi para imam pada ngadek ngadep menyang wong-wong mau karo ngunèkké trompèt, nanging wong Israèl pada ngadek kabèh.