2 Kings 17:4 — Compare Translations

Javanese Bible 1981 (Kitab Sutji)

Nanging Sang Nata ing Asyur banjur ngonangi anggone Sang Prabu nganakake sekuthon, amarga Sang Prabu Hosea wus ngintunake utusan marang Sang Prabu So, ratu ing Mesir lan ora nyaosi bulubekti maneh marang Sang Nata ing Asyur, kaya adate saben taun. Mulane Sang Nata tumuli dhawuh nyepeng panjenengane, banjur kabanda lan kalebetake ing pakunjaran.

Javanese KJS17 (Kitab Jawa Suriname)

Nanging ratu ing Asyur terus ngonangi enggoné Hoséa nganakké komplotan, awit Hoséa wis ngirimké kongkonan marang So, ratu ing Egipte lan ora ngekèki pajek menèh marang ratu ing Asyur, kaya adaté saben taun. Mulané ratu Asyur terus ngongkon nyekel Hoséa, terus dibanda lan dilebokké ing pakunjara.