Esther 3:8 — Compare Translations

Javanese Bible 1981 (Kitab Sutji)

Sang Haman nuli munjuk marang Sang Prabu Ahasyweros: “Wonten sawenehing bangsa ingkang pating slebar saha kapencil ing satengahipun para bangsa ing saindenging karajanipun gusti kawula, saha ingkang adat-tata-caranipun beda kaliyan adat-tata-caranipun sakathahipun bangsa sanesipun. Pranatanipun Sang Prabu ugi boten dipun estokaken, mila boten prayogi kagem Sang Nata, manawi ngendelaken tiyang-tiyang wau anggenipun tumindak makaten kanthi mardika.

Javanese KJS17 (Kitab Jawa Suriname)

Haman terus ngomong marang Ahaswéros: “Ana sakwijiné bangsa sing pating slebar lan kepentyil ing sak tengahé para bangsa ing sak kabèhé kratoné ratu, lan sing adat tata-tyarané béda karo adat tata-tyarané kabèh bangsa liyané. Pernatané ratu uga ora ditindakké, mila ora apik kanggo ratu, yèn ngejarké wong-wong iki anggèné nandangi mengkéné karo sak gelemé.