Jeremiah 44:17 — Compare Translations

Javanese Bible 1981 (Kitab Sutji)

nanging kula sami badhe nglajengaken nindakaken punapa ingkang sampun kula ucapaken, inggih punika sesaji kurban dhateng raja putri ing langit lan ngaturaken kurban unjuk-unjukan dhateng panjenenganipun, kados ingkang sampun sami kula lampahi, kula piyambak lan leluhur kula, punapadene para ratu saha pengageng kula ing kitha-kithanipun Yehuda lan ing lurung-lurungipun Yerusalem. Nalika samanten kula sami gadhah tetedhan cekap, kula sami rumaos begja lan boten ngalami karibedan.

Javanese KJS17 (Kitab Jawa Suriname)

nanging kula pada bakal nerusaké nindakké apa sing wis kula omongaké, ya kuwi pada nggawé sajèn kurban marang ratu wadon ing langit lan masrahké kurban ombèn-ombèn marang dèkné, kaya sing wis pada kula lakoni, kula déwé lan para mbah kula, uga para ratu lan penggedé kula ing kuta-kutané Yéhuda lan ing dalan-dalané Yérusalèm. Waktu kuwi kula pada nduwé pangan tyukup, kula pada rumangsa beja lan ora ngalami kangèlan.