1 Chronicles 12:17 — Compare Translations

Jinghpaw Common Language Bible © Bible Society of Myanmar, 2009

Dawi gaw shanhte hpe sa hkrum na nga pru sa wa let, “Manang zawn ngai hpe karum la na matu nanhte sa wa myit dai rai yang, nanhte hpe ndai yang e hkalum la nga nngai, anhte hte matut mat ga. Rai ti mung ngai nanhte hpe machyi n jahkrum ti mung nanhte ngai hpe nye a gumlau hpyen ni a lata de ap kau na yaw shada myit dai rai yang, anhte a kaji kawa ni a Karai Kasang gaw dai lam hpe chye ya ai hte nanhte hpe ari jaw na ra ai,” ngu nna tsun wu ai.

Jinghpaw Hanson Version Bible © Bible Society of Myanmar, 2009

Dawi gaw shanhte hpe tau la na nga pru sa wa let, “Ngai hpe shingtau na matu nanhte ngwipyaw ai hte du sa myit dai rai yang gaw, nye a myit nanhte a myit hte makyit na li ai: shing n rai, nye hpyen ni a lata de ngai hpe ap kau na matu nanhte sa du ai rai yang, nye a lata hta hpa mara n kap ai majaw, ji wa a Karai Kasang dai hpe yu yu nna, daru kau u ga,” ngu nna shanhte hpe hkap tsun mu ai.