1 Chronicles 12:25 — Compare Translations

Jinghpaw Common Language Bible © Bible Society of Myanmar, 2009

Benyamin (Shawlu a amyu bawsang nan) 3,000 (Benyamin masha law malawng hte gaw Shawlu hta sadi naw dung nga ma ai); Ehprim: 20,800 shanhte a amyu lakung ni hta na gumhkawng ai masha ni; Sinna Manashe: 18,000 Dawi hpe hkawhkam sa shatai na matu lata san da ai masha ni; Yisahka: Ningbaw 200; shanhte a up hkang ai npu hta rai nga ai masha ni (Ndai ningbaw ni gaw Israela masha ni hpa galaw ang ai hte kaja htum ai aten hta kaning rai galaw na lam chye nga ma ai.); Zebulun: 50,000 Majan gasat na matu jin jin rai nga nna, sadi dung let kam ging ai masha ni, laknak hkum sumhpa yawng hpe lang na matu shaman shakyang da masai. Naphtali: Ningbaw 1,000, ri ninggang hpai masha 37,000 hte rau rai nga ai. Dan: Shaman shakyang da ai masha 28,600. Ashe: Majan gasat na matu jin jin re ai masha 40,000; Yawdan hka sinpraw hkran na amyu bawsang: Rubin, Gad hte Sinpraw Manashe: hpyen gasat na matu hpyen hking hte laknak amyu hkum sumhpa lang nna shaman shakyang da sai masha 120,000.

Jinghpaw Hanson Version Bible © Bible Society of Myanmar, 2009

Simun amyu hta na hpyen shang ram ai nden ja ai wa-ngan ni, hkying sanit e latsa;