1 Chronicles 6:49 — Compare Translations

Jinghpaw Common Language Bible © Bible Society of Myanmar, 2009

Arun hte shi a amyu matu ni gaw tawn hkungri ntsa e manam pyaw ai hkungga ni hpe mung, shagu hkungga ni hpe mung nat nawng ya ma ai. Shanhte gaw Chyoi Pra Htum ai Shara hta nawku ai amu yawng a matu mung, Israela masha ni galaw shut kau ai yubak ni hpe Karai Kasang raw dat kau ya na matu htingrai htingrat ya ai shagu hkungga ni a matu lit lu ma ai. Shanhte gaw dai amu hpe Karai Kasang a shangun ma Mawshe hpe jaw ya sai matsun maroi ga ni hte maren hkan galaw ma ai.

Jinghpaw Hanson Version Bible © Bible Society of Myanmar, 2009

Rai timung, Arun hte shi a shadang sha ni chyawm gaw, Karai Kasang a shangun ma Mawshe htet da mada hte maren, chyoi pra htum ai shara amu a nlang hte hte, Israela masha ni a lam htingrai htingrat ya na matu, wan nat hkungga nawng ai hkungri ntsa e mung, manam pyaw ai baw nat nawng ai hkungri ntsa e mung, nat nawng ma ai.