1 Kings 1:39 — Compare Translations

Jinghpaw Common Language Bible © Bible Society of Myanmar, 2009

Zadok mung dai Madu a hpung shingkang shanu nga ai Sum kaw nna la sa wa ai tsanlun sau jarung mi hpe la nhtawm Shawlumon hpe jaw ya wu ai. Shaloi pahtau hpe mung shanhte dum dat ai hte amyu masha ni yawng mung, “Hkawhkam Shawlumon asak galu u ga law!,” ngu nna jahtau tsun mu ai.

Jinghpaw Hanson Version Bible © Bible Society of Myanmar, 2009

Hkinjawng wa Zadok mung nawku Sum hta na namman nrung la nna, Shawlumon hpe namman chya ya wu ai: pahke mung shanhte dum nna, amyu masha ni yawng hte gaw, “Hkawhkam Shawlumon ahkrung nga u ga law,” nga nna tsun shajang ma ai.