1 Kings 16:7 — Compare Translations

Jinghpaw Common Language Bible © Bible Society of Myanmar, 2009

Dai Madu hpe shut hpyit kau ai Basha a yubak mara ni a majaw Basha hte shi a dinghku masha ni hpe ninghkap na matu dai Madu kaw na pru ai mungga gaw myihtoi Yehu hku nna jaw ya nga ai. Shi a shawng na Hkawhkam Yeroboam galaw shut kau ai zawn shi galaw ai n hkru ai amu a majaw dai Madu hpe pawt shangun ai sha n rai; Yeroboam a dinghku masha ni yawng hpe mung shi sat kau wu ai majaw mung rai nga ai.

Jinghpaw Hanson Version Bible © Bible Society of Myanmar, 2009

Shing rai, Basha gaw, Yeroboam a nta masha ni hte bung nna, tinang a lata amu hte Yehowa man e n kaja ai amu galaw let, shi hpe pawt bu shangun ai majaw mung, dai nta masha ni hpe pagawn sat kau mu ai majaw mung, Basha hte shi a nta masha ni hpe lakap ai Yehowa a ga gaw, Hanani a kasha myihtoi Yehu a n-gup hte du pru wa ai.