1 Kings 3:22 — Compare Translations

Jinghpaw Common Language Bible © Bible Society of Myanmar, 2009

Rai ti mung kaga numsha mahtang, “N rai law, hkrung nga ai ma gaw nye a, si mat ai ma mahtang na a rai nga lit dai,” ngu nna tsun wu ai. Shawng na num gaw, “N rai law, si ai ma mahtang na a rai nga ai; hkrung nga ai ma chyawm gaw nye a rai nga li ai!,” ngu nna bai htan wu ai. Dai rai nna shan gaw hkawhkam wa a man e ndang kalang hkat nga ma ai.

Jinghpaw Hanson Version Bible © Bible Society of Myanmar, 2009

Num kaga chyawm gaw, “N rai law, hkrung nga ai ma gaw ngai sha, si taw nga ai ma gaw na nsha rai nga lit dai,” ngu wu ai. Bai shawng na num gaw, “N rai law, si ai na gaw na nsha, naw hkrung nga ai ma gaw ngai sha rai nga li ai,” ngu wu ai. Shing rai shan lahakwng gaw hkawhkam wa a man e ndang kalang hkat nga ma ai.