1 Samuel 14:12 — Compare Translations

Jinghpaw Common Language Bible © Bible Society of Myanmar, 2009

Dai hpang shanhte gaw Yonahtan hte shabrang wa hpe, “Ndai de sit lung wa mi! Nan hpe anhte lama mi tsun dan na lu ga ai!,” ngu nna tsun ma ai. Yonahtan gaw shabrang wa hpe, “Nye a hpang hkan nang rit. Shanhte hpe dang kau lu ai awng padang dai Madu gaw Israela hpe jaw nu ai,” ngu nna tsun wu ai.

Jinghpaw Hanson Version Bible © Bible Society of Myanmar, 2009

Dai hpyen dap masha ni mung, “Du marit, lama mi madun made ga,” nga nna Yonahtan yan shi a ri nhtu gun ai wa hpe tsun mu ai. Shaloi Yonahtan gaw, “nye hpang e hkan rit, Yehowa shanhte hpe Israela masha ni a lata de ap kau nu ai,” ngu nna shi a ri nhtu gun ai wa hpe tsun wu ai.