1 Samuel 28:15 — Compare Translations

Jinghpaw Common Language Bible © Bible Society of Myanmar, 2009

Samuela gaw Shawlu hpe, “Nang ngai hpe hpa majaw shatsang bu nga n ni? Nang ngai hpe hpa majaw nhtang shangun nga n ni?,” ngu nna tsun wu ai. Shawlu mung, “Ngai ru yak tsin-yam tsindam kaba hkrum nga nngai! Hpilisti masha ni ngai hpe majan gasat ma ai; Karai Kasang mung ngai hpe kau da nu ai. Shi gaw ngai hpe myihtoi hta mung, yup mang ni hta mung, ngai hpe mahtai loi mi mung n jaw mat nu ai. Dai rai nna ngai hpa galaw sa wa lu na lam, nang ngai hpe tsun dan rit ga ngu nna, ngai nang hpe shaga nngai,” ngu nna htan wu ai.

Jinghpaw Hanson Version Bible © Bible Society of Myanmar, 2009

Shaloi Samuela gaw, “Ngai hpe shatsang na hpa rai sharawt n ta?” ngu nan Shawlu hpe san wu yang, Shawlu gaw, “Ngai nachying kyin dut mat ni ai; Hpilisti masha ni ngai hpe gasat nga ma ai; Karai Kasang mung ngai hpe kabai kau ni ai; myihtoi hta mung n htan, yup mang hta mung n htan ya ni ai. Dai re ai majaw ngai kaning rai galaw na gaw, nang madun ri ga, ngu nna ngai nang hpe shaga nngai,” ngu nna htan wu ai.