2 Chronicles 2:4 — Compare Translations

Jinghpaw Common Language Bible © Bible Society of Myanmar, 2009

Dai Madu nye a Karai Kasang hpe shagrau sha-a na matu Nawku Htingnu langai, ngai galaw na nngai. Dai gaw chyoi pra ai shara tai nna nye a amyu masha ni hte ngai gaw dai Madu hpe manam pyaw ai baw hte manam hawm ai namji namya ni hpe nat nawng let mung, shi hpe nawku na nngai; shi hpe chyoi pra ai muk hkungga ni hpe mung anhte matut manoi nawng jau na ga ai; anhte gaw dai Madu anhte a Karai Kasang hpe shagrau sha-a na matu jahpawt de, shana de shagu, Bansa Nhtoi ni hta mung, Shata Praw Na Poi ni hta mung, kaga chyoi pra ai nhtoi ni hta mung wan nat hkungga nawng jau na ga ai. Ndai amu hpe htani htana hkan galaw nga na matu Israela masha ni hpe shi hkang da nu ai.

Jinghpaw Hanson Version Bible © Bible Society of Myanmar, 2009

Yu u, Israela amyu ni tutnawng prat dingsa htung nga ai hte maren, anhte a Karai Kasang Yehowa man e manam pyaw ai baw nat nawng na matu mung, jahpawt, shana, laban nhtoi, shata praw shani hte madat da ai poi shagu hta wan nat hkungga nat nawng na matu mung, nye a Karai Kasang Yehowa a mying nsang a matu, chyoi pra san da ai nta gaw da na, ngai galaw magang nga nngai.