2 Chronicles 30:1 — Compare Translations

Jinghpaw Common Language Bible © Bible Society of Myanmar, 2009

Htung hte maren jasan jaseng lu ai hkinjawng ni grai n law ai hte Yerusalem mare e amyu masha ni law law garai n hpawng nga ma ai majaw shawng na shata ngu na galaw ang ai aten hta, amyu masha ni dai Shalai Wa Ai Poi n lu galaw kau ma ai. Dai re ai majaw Hkawhkam Hezekia, shi a du salang ni hte Yerusalem mare masha ni gaw shata lahkawng ngu na hta dai poi galaw na matu myit jahkrum da nga ma ai. Hkawhkam wa gaw Israela hte Yuda mung na amyu masha ni yawng hpang de shiga shana shangun dat wu ai. Shi gaw Ehprim hte Manashe amyu bawsang ni hpe Yerusalem mare na Nawku Htingnu de sa na matu mung, dai Madu Israela a Karai Kasang hpe shagrau sha-a na Shalai Wa ai Poi galaw ai hta shang lawm na matu, shanhte hpe laksan saw shaga dat ai laika hte shaga dat wu ai.

Jinghpaw Hanson Version Bible © Bible Society of Myanmar, 2009

Dai hpang Hezekia gaw, Israela hte Yuda mung ting hta shangun dat nhtawm, Ehprim yan Manashe mung de gaw laika ka shagun dat nna, Yerusalem mare na Yehowa a Shalai wa ai poi sha na matu, shaga dat mu ai.