2 Kings 22:19 — Compare Translations

Jinghpaw Common Language Bible © Bible Society of Myanmar, 2009

nang myit malai nna nye a man e nang hkum nan shagrit shanem ai myit hte na a hpun palawng ni hpe gang je kau nhtawm hkrap ngu hkrap ngoi nga ndai majaw Yerusalem mare hte dai hta nga ai amyu masha ni hpe ari jaw na matu ngai kaning ngu jahkrit shama ai hpe nang na nit dai. Ngai gaw dai mare hpe hkrit hpa mada mu shara shatai kau nna dai shara a mying hpe dagam dala ai hku masha ni tsun lang na mara ai, rai ti mung na a akyu hpyi ai ga hpe ngai na ya se ai majaw,

Jinghpaw Hanson Version Bible © Bible Society of Myanmar, 2009

ndai shara hte dai hta e nga ai masha ni gaw, katsi katsang shara hte dagam dala hkrum ai amyu tai na mara ai, nga nna ngai tsun ai ga hpe nang na ai shaloi, nang myit kya nna, Yehowa a man e myit shagrit nga ai hte, na a hpun palawng hpe gang je kau nna, nye a man e hkrap ngu hkrap ngoi nga ndai majaw, ngai Yehowa nan na a ga hpe madat mara ya sade ai.