2 Samuel 3:8 — Compare Translations

Jinghpaw Common Language Bible © Bible Society of Myanmar, 2009

Dai lam a majaw Abna hpe masin kahtet shangun wu ai rai nna shi gaw, “Shawlu hpe ngai gumlau kau nga nngai, ngu nang myit nawn da wu ni? Yuda a matu ngai teng teng ap nawng nga nngai ngu nang myit nawn da wu ni? Ngai gaw shawng nnan kaw nna na nwa Shawlu hte shi a kahpu kanau ni hte manaw manang makyin jinghku ni hta sadi dung lai wa ni ai rai nna Dawi a lata hta n sum mat hkra ngai nang hpe hkye mawai la ni ai; rai ti mung ya dai ni, ndai numsha langai a majaw sha nang ngai hpe mara tam nga n hka i!

Jinghpaw Hanson Version Bible © Bible Society of Myanmar, 2009

Ga de a majaw Abna gaw Ish-boshet hpe nachying masin pawt nna, “Ngai Yuda amyu na gwi baw rai ni? Dai ni du hkra, na nwa Shawlu a amyu na ni hte, shi a kahpu kanau, makyin jinghku ni hpe ngai makawp maga nna, Dawi a lata hta nang hpe n ap kau ninglen, num de a majaw nang ngai e mara shagun mayu a hka.