Amos 3:14 — Compare Translations

Jinghpaw Common Language Bible © Bible Society of Myanmar, 2009

“Israela amyu masha ni shanhte galaw shut ai yubak ni a majaw ngai shanhte hpe ari jaw ai shani hta, Behtela a tawn hkungri ni hpe mung ngai jahten kau na we ai. Hkungri shagu na nrung ni daw kau ai hkrum nna ga de hkrat mat na ra ai.

Jinghpaw Hanson Version Bible © Bible Society of Myanmar, 2009

Kaning rai nme law, Israela amyu hpe, tinang a shut hpyit ai majaw, ari jaw ai shani hta, Betela hkungri ni hpe mung, ngai ari jaw na nngai: dai hkungri a nrung ni daw kau ai hkrum nna, ga de di hkrat na ra ai.