Exodus 26:33 — Compare Translations

Jinghpaw Common Language Bible © Bible Society of Myanmar, 2009

Nba grang hpe sumpan Sum a numgaw hta noi da ai chyinghkyi yan a kata hku noi grang nna, dai nba grang a shingdu e lungpa lahkawng bang da ai Ga Shaka Sumpu tawn da na rai nga ai. Dai nba grang gaw Chyoi Pra ai hte Chyoi Pra Htum ai Shara yan hpe garan ginhka da na rai nga ai.

Jinghpaw Hanson Version Bible © Bible Society of Myanmar, 2009

Dai nba shinggang hpe chyinghkyi ni hta noi grang nna, nba shinggang a kun kata de dai sakse sumpu shawn tawn da na rai wu ai: shaloi dai nba shinggang gaw, dai chyoi pra ai shara hte chyoi pra htum ai shara hpe, karan ginhka na ra ai.