Ezekiel 33:27 — Compare Translations

Jinghpaw Common Language Bible © Bible Society of Myanmar, 2009

“Ngai gaw teng teng ahkrung nga ai Karai Kasang rai nga nngai, dai majaw dai hten run mat sai mare ni hta shanu nga ai amyu masha ni sat kau hkrum na mara ai hpe Tsaw Htum ai dai Madu ngai nan shadum ai ga, shanhte hpe htawn tsun u. Dai mungdan hta shanu nga ai ni mung nam na matse labye ni e sha kau hkrum na mara ai. Bum na makoi shara ni hte ginlawng hku ni hta rawng nga ai ni mung ana zinli ni hte si mat na mara ai.

Jinghpaw Hanson Version Bible © Bible Society of Myanmar, 2009

Shanhte hpe ning ngu tsun u, ‘Madu Yehowa ning nga ai: Ngai hkrung nga ai hte maren, marawng marang tai wa ai shara ni hta naw shanu nga ai ni gaw, nhtu hte teng teng si na mara ai; pa ga e shanu nga ai wa hpe, matse labye hkrum na matu, ap kau nu ai; hpyen dap hte ginlawng hku ni hta rawng nga ai ni gaw, ana zinli hte si na mara ai.