Ezekiel 36:23 — Compare Translations

Jinghpaw Common Language Bible © Bible Society of Myanmar, 2009

Maigan amyu ni a ka-ang e, nanhte jahpoi kau ya ai nye a galu kaba ai dai chyoi pra ai mying ningsang hpe masha amyu baw ni a man e n-gun madun dan ai shaloi, ngai nan dai Madu rai nga nngai hpe shanhte chye lu na mara ai. Tsaw Htum ai dai Madu ngai nan tsun ni ai. Ngai nan chyoi pra nga nngai lam masha amyu baw ni hpe madun dan lu na matu, ngai nang hpe jai lang na nngai.

Jinghpaw Hanson Version Bible © Bible Society of Myanmar, 2009

Maigan amyu ni a ka-ang e, nanhte awu asin di kau ai, nye a galu kaba ai mying hpe ngai shagrau sha-a na nngai: ngai gaw nanhte a jaw e shanhte a man e, shagrau sha-a ai hkrum nngai shaloi e, ngai Yehowa rai nga ai hpe, maigan amyu ni chye lu na mara ai,” nga nna Madu Yehowa tsun ai.