Ezekiel 46:9 — Compare Translations

Jinghpaw Common Language Bible © Bible Society of Myanmar, 2009

“Amyu masha ni chyawm gaw ndat da ai poi shani hta, dai Madu hpe nawku na matu shang ai shaloi, dingdung chyinghka hku shang nna shanhte nawku ngut ai hpang dingda chyinghka hku pru wa na mara ai. Dingda chyinghka hku shang wa ai ni mung dingdung chyinghka hku pru wa na mara ai. Kadai mung shang wa ai hku bai pru wa lu na n rai; rai ti mung shang wa ai hte tawtap hku bai pru wa na ra ai.

Jinghpaw Hanson Version Bible © Bible Society of Myanmar, 2009

Mung masha ni chyawm gaw, madat da ai poi aten e, Yehowa man de shang yang, nawku na matu, dingdung chyinghka hku shang ai wa gaw, dingda chyinghka hku pru wa na ra ai: dingda hku shang ai wa gaw, dingdung hku pru wa na ra ai; shang ai hku bai pru wa lu na n rai: shang ai ang ang hku bai pru wa na ra ai.