Habakkuk 1:13 — Compare Translations

Jinghpaw Common Language Bible © Bible Society of Myanmar, 2009

Rai ti mung, nang gaw ndai gumle gumlau rai nna n hkru ai masha ni hpe gara hku hkam sharang lu na rai nga n ta? Na a myi ni gaw n hkru ai hpe yu na matu naw san pra nga ai majaw shut hpyit amu galaw ai masha ni a man e, nang n hkam sharang lu nga ndai. Dai re ai majaw, shanhte gaw shanhte hta grau nna ding hpring nga ai masha ni hpe jahten shaza nga ma yang, nang hpa majaw atsin sha nga nga n ta?

Jinghpaw Hanson Version Bible © Bible Society of Myanmar, 2009

N hkru n hkra ai hpe n yu hkra, myit magaw ai lam n mada hkra, san seng ai myi tu ai wa e, nang hpa majaw hkalem hkalau ai wa hpe a mada nga ai hte, tara n lang ai wa gaw, shi hta grau dinghpring ai wa hpe jahtum kau nna,