Hebrews 8:5 — Compare Translations

Jinghpaw Common Language Bible © Bible Society of Myanmar, 2009

Hkinjawng ni hku nna shanhte galaw ai bungli gaw sumsing lamu na nawku daw jau ai kasi a shingnip shingna sha rai nga ai. Mawshe galaw lai wa sai amu ni mung, dai hte maren sha tai nga ai. Hpa majaw nga yang, Mawshe gaw dai chyoi pra ai sum gaw gap na hkyen ai shaloi, Karai Kasang gaw shi hpe “Bum ntsa e ngai nang hpe madun dan sade ai hkrang kasi hte maren yawng mayawng hpe galaw lu hkra sadi nga u,” nga nna tsun ai majaw rai nga ai.

Jinghpaw Hanson Version Bible © Bible Society of Myanmar, 2009

Mawshe gaw dai nawku ai sum hpe gap magang nga ai shaloi e, Bum ntsa e nang hpe madun dan sade ai kasi hte maren, yawng mayawng hpe galaw lu hkra sadi nga u, nga nna Karai Kasang shi hpe tsun shadum ai hku hkan ai majaw, shanhte gaw sumsing lamu na arai ni a kanan hte shingna hpe sha, daw jau ma ai.