Isaiah 10:13 — Compare Translations

Jinghpaw Common Language Bible © Bible Society of Myanmar, 2009

Asuri hkawseng wa gaw, “Ngai gaw dai lam yawng hpe ngai hkum nan galaw se ai. Ngai gaw n-gun ja ai hte hpaji rawng nna myit let nga nngai. Ngai gaw masha amyu ni a lamu ga jarit ni hpe sit kau nna shanhte kyem mahkawng da ai arung arai ni hpe kashun la ni ai. Dai shara hkan shanu nga ai amyu masha ni hpe dumsu usu langai zawn kabye anut kau ni ai.

Jinghpaw Hanson Version Bible © Bible Society of Myanmar, 2009

Kaning rai nme law, shi gaw, “Nye a lata a n-gun, nye a hpaji hte, ndai ngai galaw se ai; ngai mahtang nyan rawng nngai; masha amyu ni a lamu ga jarit ngai sit kau nna, shanhte a arung arai hpe ngai kashun la nngai; share ninghkrin wa zawn, tingnyang hta dung ai ni hpe ngai shayu kau nngai.