Isaiah 53:12 — Compare Translations

Jinghpaw Common Language Bible © Bible Society of Myanmar, 2009

Dai rai nna, ngai gaw shi hpe galu kaba nna daru magam n-gun rawng ai ni a lapran e arawng sadang shara langai jaw na we ai. Shi gaw sharawng awng ai myit hte shi a asak jaw nna n hkru ai masha ni a hpang jahtum na lam hpe mung garan ya nga ai. Shi gaw yubak kap ai masha law law ni a yubak hpe gun kau ya nna shanhte mara raw dat ai hkrum mu ga, akyu hpyi ya nga sai,” ngu nna tsun ai.

Jinghpaw Hanson Version Bible © Bible Society of Myanmar, 2009

Dai re ai majaw ngai gaw, daru magam rawng ai ni hte rau, shi hpe kamhtaw karan jaw nna, shi gaw n-gun atsam rawng ai ni hte rau, lanep karan na ra ai: kaning rai nme law, shi gaw si du hkra shi a myit masin hpe ru kau nna, tara tawt lai ai ni hta hti lawm nga ai: rai timung shi gaw; masha law law a yubak hpe gun hpai nna, tara tawt lai ai ni a matu mara htinglu htinglai ya ai.