Jeremiah 22:3 — Compare Translations

Jinghpaw Common Language Bible © Bible Society of Myanmar, 2009

“Dai Madu ngai nan teng man ai hte ding hpring ai amu galaw na matu nang hpe hkang da ni ai. Shi hpe maw sha mawp sha nga ai wa kaw nna maw sha mawp sha n hkrum mat hkra dai masha wa hpe makawp maga nga u. Malet nhprang manam ni, chyahkrai nmai ni hte gaida gaina ni hpe lam hkum shadam myit, adip arip mung hkum rai myit; ndai chyoi pra ai shara hta mara n kap ai masha ni hpe hkum sat myit.

Jinghpaw Hanson Version Bible © Bible Society of Myanmar, 2009

Yehowa ning nga ai: Tara hkan nna dinghpring ai hku galaw mu; kashun kashe hkrum ai wa hpe zingri ai wa a lata na mawai la u; malet nhprang manam wa hpe mung, chyahkrai nmai hpe mung, gaida gaina hpe mung, maw sha ai hte adip arip hkum rai myit; mara n kap ai asai ndai yang e hkum jahkaw kau myit.