Jeremiah 31:19 — Compare Translations

Jinghpaw Common Language Bible © Bible Society of Myanmar, 2009

Anhte gaw nang kaw na kayin mat wa ga ai, rai ti mung, kade n na yang, bai nhtang wa na matu ra sharawng nga ga ai. Nang anhte hpe ari jaw ngut ai hpang, anhte a baw ni gaw yawn hkyen ai hta dukrung taru nga saga ai. Anhte gaw prat naw ram nga yang, anhte galaw shut kau ai yubak mara ni a majaw, kaya kahpa hte jahpoi jahpyak ai hkrum nga saga ai,’ nga tsun ma ai.

Jinghpaw Hanson Version Bible © Bible Society of Myanmar, 2009

Gaja wa, ngai nhtang wa ai hpang myit malai lu nngai; sharin hkrum ai hpang, nye magyi hpe kahpret nngai; ram prat e galaw hkrup ai yubak majaw, ngai kaya dum nna, mak mat ai hte myi man sum ai hkrum nngai, nga nna tinang hkum hpe mara shagun ai ga, ngai gaja wa na nngai.