Jeremiah 42:18 — Compare Translations

Jinghpaw Common Language Bible © Bible Society of Myanmar, 2009

“Dai Madu Israela a Karai Kasang gaw, ‘Nye a pawt sindawng ai hte masin kahtet ai hpe Yerusalem masha ni a ntsa e ru bun ai zawn nanhte Egutu mung de yu sa ai rai yang nanhte a ntsa e mung nye a masin kahtet ai hpe ru bun na nngai. Nanhte gaw yu hkrit shara tai na marin dai; masha amyu ni mung nanhte hpe asawng asang di ai hte na a amying hpe dagam dala ga tsun ai hta lang na mara ai. Nanhte gaw ndai shara hpe galoi mung bai mu lu na ra ai n rai,’” ngu nna tsun wu ai.

Jinghpaw Hanson Version Bible © Bible Society of Myanmar, 2009

Kaning rai nme law, Israela Karai Kasang Zaw nawng zaw wa up ai Yehowa ning nga ai: Ngai gaw Yerusalem masha ni a ntsa e, nye a pawt sindawng ai hte myit kahtet ai hpe ru bun ai hte maren, nanhte Egutu mung de shang jang, nye a myit kahtet ai hpe ngai nanhte a ntsa e ru bun nna, nanhte gaw matsa mawa, mauhpa shara, dagam dala shara hte shatan nhkan shara tai na myit dai; nanhte htawm hpang de ndai shara hpe mu lu na n rai.