Jonah 1:3 — Compare Translations

Jinghpaw Common Language Bible © Bible Society of Myanmar, 2009

Yona gaw gara hku mi rai tim, dai Madu a man kaw na hprawng mat wa lu na matu kaga shara de sa mat wa wu ai. Shi gaw Yopa de sa wa nna dai shara e Spain mung de sa wa hkyen ai sanghpaw li langai sa mu wu ai. Shi gaw Karai Kasang a man kaw na hprawng mat wa na nga li jahpu jaw nna Spain mung de sa mat wa na matu sanghpaw masha ni hte rau sanghpaw li ntsa de shang mat wa wu ai.

Jinghpaw Hanson Version Bible © Bible Society of Myanmar, 2009

Yona chyawm gaw, Yehowa a man na, Tarshi mare de hprawng mat na, rawt ai; dai rai nna shi gaw Yopa mare de yu wa nna, Tarshi de sa wa ai sanghpaw li mu wu ai: shaloi dai li jahpu shi ya nna, Yehowa a man na hprawng na matu, shanhte hte rau Tarshi de sa wa na, dai li kata de shang bang wa ai.