Judges 19:10 — Compare Translations

Jinghpaw Common Language Bible © Bible Society of Myanmar, 2009

Rai ti mung dai wa chyawm gaw dai yang e n kam nga shalai kau sai majaw shi hte shi a lashi num hte rau shan a shangun ma hte lawze lahkawng hta daw htaw let hkawm hpang wa ma ai. Shanhte gaw Yebu mare makau (dai gaw Yerusalem) de du shang wa ma yang jan du nga sai majaw shi a shangun ma wa gaw shi a madu hpe, “Sa, Ndai Yebusi mare e anhte hkring nna shana nga shalai kau ga,” ngu nna tsun wu ai.

Jinghpaw Hanson Version Bible © Bible Society of Myanmar, 2009

Kahkri wa chyawm gaw, dai shana n hkring hkraw ai sha rawt nna, daw htaw ai lawze lahkawng hte lashi num hpe woi let, Yerusalem ngu ai Yebu mare ang ai du wa ma ai.