Nehemiah 11:22 — Compare Translations

Jinghpaw Common Language Bible © Bible Society of Myanmar, 2009

Hashabia a kashu, Bani a kasha Uzi gaw Yerusalem mare hta nga ai Lewi masha ni hpe up hkang ai wa rai nga ai. Shi a kaji kawa ni hta Matania hte Mihka lawm nga ai. Shi gaw Nawku Htingnu hta mahkawn mangoi let daw jau lit lu ai Asap amyu lakung hta na rai nga ai.

Jinghpaw Hanson Version Bible © Bible Society of Myanmar, 2009

Yerusalem mare e de nga ai Lewi masha ni a ntsa e up ai wa, Mihka, Matania, Hashabia, Bani hta na hkrat ai, Uzia rai nga ai: shi gaw Karai Kasang a nta hte seng ai, mahkawn mangoi amu up ai, Asap a kashu kasha ni hta na rai nga ai.