Nehemiah 5:13 — Compare Translations

Jinghpaw Common Language Bible © Bible Society of Myanmar, 2009

Dai hpang nye a nshang grup grup hpun da ai palawng galu hpe raw ahpu let, “Nanhte a ga sadi hpe n hkan shatup ai kadai hpe mung ndai zawn Karai Kasang ahpu kau nna, nanhte a dum nta ni hte nanhte madu ai arai magup shagu hte hpe shi dawm la kau nhtawm nanhte hpe kaman tawn kau da na ra ai,” ngu nna ngai tsun ni ai. Dai yang e nga nga ai masha shagu hte gaw, “Amen,” ngu nhtawm dai Madu hpe Amen ngu nna shakawn kungdawn ma ai. Ningbaw ni mung shanhte a ga sadi hpe hkan shatup ma ai.

Jinghpaw Hanson Version Bible © Bible Society of Myanmar, 2009

Dai hta kaga ngai gaw, nye a palawng galu ahpu let, “Ndai ga shaka n hkan ai wa kadai hpe mung, shi a nta hte shi a amu bungli hta na, Karai Kasang ahpu kau u ga: dai zawn ahpu kau ai hte man mat ai hkrum mu ga,” nga nna tsun jang, shawa hpawng ting, “Amen,” nga nna Yehowa hpe shakawn kungdawn ma ai. Mung masha ni gaw ndai ga shaka tawn da ai hte maren hkan galaw ma ai.