Zechariah 7:14 — Compare Translations

Jinghpaw Common Language Bible © Bible Society of Myanmar, 2009

Shanhte hpe nbung laru e shapoi mat wa ai zawn maigan mungdan ni de ye kau nngai. Ndai ningru ningja ai mungdan gaw katsi katsang shara tai mat nna, kadai mung dai mung e nga nga na ma ai n rai.

Jinghpaw Hanson Version Bible © Bible Society of Myanmar, 2009

Shanhte n chye ai maigan amyu ni yawng hta, ngai shanhte hpe bungsha hte ayai kau na nngai. Shing rai dai mungdan gaw, shanhte pru wa ai hpang, shingran katsi ai shara tai nna, kadai mung sa sa wa wa nga ai n rai: kaning rai nme law, shanhte gaw dai ngwipyaw ai mungdan hpe katsi katsang shara shatai kau manu hka,” nga ai.