1 Chronicles 14:11 — Compare Translations

Kamba (MBIVILIA ŨVOO MŨSEO)

Kwoou Ndeviti nĩwaendie Mbaali-velasimu okita na Avilisiti na amasinda. Nĩwaneenie asya atĩĩ, “Ngai nĩwandonyethya kũvĩtĩla katĩ wa amaitha makwa o tondũ kĩw'ũ kingĩ kĩvĩtaa.” Kwoou vandũ vau veetwa Mbaali-velasimu.

Kamba (Mbivilia) 1956

Na ĩndĩ mambata mavika Mbaali‐velasimu, na Ndaviti amakũnĩa kw’o; na Ndaviti asya, Ngai nũtũlĩte amaitha makwa na kw’oko kwakwa, ta vandũ vavũthũĩtwe nĩ manzĩ. Kwondũ wa ũu meeta syĩtwa ya vandũ vau Mbaali‐velasimu.