1 Chronicles 27:1 — Compare Translations

Kamba (MBIVILIA ŨVOO MŨSEO)

Aa nĩmo masyĩtwa ma atongoi ma Ĩsilaeli; atongoi ma mĩsyĩ, anene ma asikalĩ ngili, anene ma asikalĩ ĩana, na anene moo ala matethasya wĩa kwa mũsumbĩ. Kĩla mweinĩ wa mwaka, kĩkundi kya asikalĩ ngili mĩongo ĩlĩ na inya kĩ kĩvathũkany'o, nĩkyatethasya wĩa kĩũngamĩwe nĩ mũtongoi wa mwei ũsu.

Kamba (Mbivilia) 1956

Na ĩndĩ ana ma Isilaeli kũatĩĩa ũtalo woo, naw’o nĩ atongoi ma nyũmba sya aaĩthe na makavuteni ma ngili ngili na ma maana, na anene ma kwoo ala mathũkũmaa mũsumbĩ, ũndũnĩ o na wĩva wa nguthu ila syalikaa na ikyumaala mwei na mwei, myeinĩ yonthe ya mwaka‐ma kĩla nguthu maĩ ngili mĩongo ĩlĩ na inya.