1 Chronicles 28:1 — Compare Translations

Kamba (MBIVILIA ŨVOO MŨSEO)

Mũsumbĩ Ndeviti nĩweetie atongoi onthe ma nthĩ ya Ĩsilaeli mombanĩe Yelũsalemu. Atongoi asu maĩ: Atongoi ma mbaĩ, anene ma ikundi sya asikalĩ ala matethasya wĩa kwa mũsumbĩ, anene ma asikalĩ ngili, anene ma asikalĩ ĩana, na anene ala maũngamĩe syĩndũ syonthe na indo sya mũsumbĩ na ana make. O ta ũu nĩweetie anene ma nyũmba ya kĩ-ũsumbĩ, aũme ala maĩ vinya mũno, na asikalĩ ala maĩ ngũmbaũ.

Kamba (Mbivilia) 1956

Na Ndaviti amombanĩsya Yelusaleme anene onthe me mbee ũsumbĩnĩ ma Isilaeli, anene me mbee ũsumbĩnĩ ma i mbaĩ, na makavuteni ma nguthu ila syathũkũmaa mũsumbĩ iatĩanĩe, na makavuteni ma ngili ngili, na makavuteni ma maana, na asyaĩĩsya ma ũthwii w’onthe na syĩndũ syonthe sya mũsumbĩ na sya ana make, vamwe na anene ma nyũmbanĩ, na ngũmbaũ, o ngũmbaũ nene syonthe.