1 Chronicles 4:41 — Compare Translations

Kamba (MBIVILIA ŨVOO MŨSEO)

Ĩvindanĩ ya Esekia mũsumbĩ wa Yuta, atongoi asu ma mĩsyĩ ya Simioni nĩmaendie Ngelali na maananga maeema ma nzyawa sya Amu, na sya Ameuni ala matwĩe vo na mamamina vyũ kũvika o na ũmũnthĩ. Nzyawa sya Simioni nĩsyatũie vau nũndũ vaĩ na isesi nzeo sya kũĩthya mbũi na malondu moo.

Kamba (Mbivilia) 1956

Na asu aandĩke na masyĩtwa mooka mĩthenya ya Esekia mũsumbĩ wa Yuta, na makũna maeema moo, na Ameuni ala moonekie kw’o, na mamamina vyũ kũvika ũmũnthĩ, na mekala vandũ voo; nĩkwĩthĩwa kwaĩ kĩsesi kw’o ũndũ wa ndĩthya syoo sya mbũi na malondu.