1 Chronicles 5:26 — Compare Translations

Kamba (MBIVILIA ŨVOO MŨSEO)

Nũndũ wa ũu, Ngai nĩwatumie mũsumbĩ Vulu wa Asuli (Ũla kwa ĩsyĩtwa yĩngĩ weetawa Tikilathi-vileseli) avithũkĩa nthĩ yoo. Nĩwakwatie mbaĩ sya Lũveni, Ngandi na nyusu ya mbaĩ ya Manase amaumya nthĩ ĩsu na amatwaa makatũe Aalaa, Avoli, Aala na ũtee wa Ũsĩ wa Ngosani; o na ũmũnthĩ matwĩe kw'o.

Kamba (Mbivilia) 1956

Na Ngai wa Isilaeli aamũkya veva wa Vulu mũsumbĩ wa Asuli, na veva wa Tilikathivilineseli mũsumbĩ wa Asuli, na amatwaa me atave, o Aleuveni, na Angati, na nyunzu ya mbaĩ ya Manase, na amavikya Aalaa, na Avoli, na Aala, na ũsĩ wa Ngosani, kũvika ũmũnthĩ.