1 Kings 1:25 — Compare Translations

Kamba (MBIVILIA ŨVOO MŨSEO)

Ũmũnthĩ nũtheeie athi kũthemba nthembo ya ng'ombe mbingĩ, malondu, tũsalũ tũnou, na nũthoketye ana onthe ma mũsumbĩ, anene ma asikalĩ, na mũthembi Aviathali. Saanĩ ũũ nĩmeũya na kũnyw'a me vamwe nake mayasya, ‘Mũsumbĩ Atoniya nĩekale thayũ ĩvinda ĩasa!’

Kamba (Mbivilia) 1956

Nũndũ nũtheeie ũmũnthĩ, na nĩwũaĩte ng’ombe na ila nou na malondu nyingĩ mũno, na nĩwĩtĩte ana onthe ma mũsumbĩ, na makavuteni ma nguthu, na mũthembi Aviathali; na, sisya, nĩmekũya na kũnyw’a me mbee wake, na kwasya, Mũsumbĩ Atoniya nĩethĩwe thayũ ĩvinda ĩasa.