1 Kings 13:4 — Compare Translations

Kamba (MBIVILIA ŨVOO MŨSEO)

Yĩla Mũsumbĩ Yelovoamu weewie ũndũ mũndũ ũsu wa Ngai waneenie na wasya mũnene, aumanĩa kĩthembeo kĩu kya Mbethi-eli, nĩwoolootile mwathani ũsu na eeyĩaa ayasya, “Kwatai mũndũ ũyũ!” Vau kwa vau kw'oko kwa mũsumbĩ kũla woolootete mũndũ ũsu wa Ngai nakw'o nĩkwoomie, weethĩa ndatonya ũkũtũnga ĩngĩ.

Kamba (Mbivilia) 1956

Na kweethĩwa, yĩla mũsumbĩ wewie ndeto sya ũ mũndũ wa Ngai, ila wakĩtavĩsye kĩthembeo ku Mbethi‐eli, Yelovoamu atambũũkya kw’oko kwake e kĩthembeonĩ, akyasya, Mũkwatei. Na kw’oko kwake, kũla wamũtambũũkĩsye, kwooma, ũndũ ũtatonya kũkũtũnga ĩngĩ.