1 Kings 16:34 — Compare Translations

Kamba (MBIVILIA ŨVOO MŨSEO)

Ĩvindanĩ yĩla Aavu wasumbĩkĩte, mũndũ weetawa Ieli kuma Mbethi-eli nĩwaakie ndũa ya Yeliko ĩngĩ. Kwĩanana na ũndũ Mwĩai Ngai waneenete na Yosua mwana wa Nuni, Ieli ayaka wambĩlĩĩlyo wa ndũa ya Yeliko Avilamu ĩkithathi yake nĩyakwie, na ayĩkĩa mĩvĩa ya ndũa ĩsu, Sekuvu ĩlumaita yake yakw'a.

Kamba (Mbivilia) 1956

Mĩthenyanĩ yake Ieli Mũmbethi‐eli aaka Yeliko: akwatya wambĩlĩyo wayo na kũkw’ĩĩwa nĩ ĩkithathi yake, Avilamu, na aũngamya mbingĩlo syayo na kũkw’ĩĩwa nĩ ĩlumaita yake ya mũndũ mũũme, Sekuvu, kwĩanana na ndeto ya Yeova, ĩla waneenie na kanyw’a wa Yosua mwana wa Nuni.