1 Kings 20:31 — Compare Translations

Kamba (MBIVILIA ŨVOO MŨSEO)

Nĩvo ĩndĩ anini ma Mũsumbĩ Mbeni-aatati mamwĩie atĩĩ, “Nĩtũnamanyie kana asumbĩ ma Ĩsilaeli me tei. Tũnenge mwanya tũthi vala ve mũsumbĩ wa Ĩsilaeli twĩvotoete ngũa ngaamu sya makunia inyunyunĩ sitũ, na tũkelinga makanda ngingo. Nĩkũtonyeka mũsumbĩ akalea ũkũaa.”

Kamba (Mbivilia) 1956

Na athũkũmi make mamwĩa, Sisya yu, nĩtwĩw’ĩte atĩ asumbĩ ma nyũmba ya Isilaeli nĩ asumbĩ me tei: nĩtũũkwĩsũva, twĩvotoe makunia inyunyunĩ sitũ, na makanda mĩtwenĩ yaitũ, na kwĩyumĩlya kwa mũsumbĩ wa Isilaeli: nokwĩthĩwa akatangĩĩa thayũ waku.