1 Kings 21:4 — Compare Translations

Kamba (MBIVILIA ŨVOO MŨSEO)

Aavu nĩwenũkie e na woo na kĩmako kingĩ, nũndũ wa ndeto ila Navothi wamũtavisye ayasya, “Ndikũnenga ũtiĩwa wa aaĩthe makwa.” Aavu nĩwaendie akoma ũkomonĩ wake asyaĩtye ũkũtanĩ na alea lĩu.

Kamba (Mbivilia) 1956

Na Aavu alika nyũmbanĩ yake atakinyĩkya na e na woo nũndũ wa ndeto ila Navothi Mũyesileeli wamũtavya; nũndũ nĩwasya, Ndikũnenga ũtiĩwa ũla natiĩwe nĩ aaĩthe makwa. Na akoma ũkomonĩ wake, na athyũũa ũthyũ wake, na alea kũya lĩu.