1 Kings 3:6 — Compare Translations

Kamba (MBIVILIA ŨVOO MŨSEO)

Solomoni nĩwamũsũngĩie amwĩa atĩĩ, “Kĩla ĩvinda nĩwoonanasya wendo mwingĩ kũla kwĩ ĩthe wakwa Ndeviti mũthũkũmi waku, nũndũ aĩ mũndũ mũseo, mwĩwi na mũĩkĩĩku kũla ũĩ. Nĩwaendeeie kũmwony'a wendo ũsu waku mwingĩ na mũlũmu, kwa kũmũnenga mwana ũla ũmũnthĩ ũsumbĩkĩte vandũ vake.

Kamba (Mbivilia) 1956

Na Solomoni amwĩa, Nũmwonetye mũthũkũmi waku Ndaviti ĩthe wakwa ũseo mwingĩ wĩ wendo, kwĩanana na ũndũ wakinyie mbee waku nthĩnĩ wa w’o, na ũlũngalu, na wĩanĩu wa ngoo e naku; na nĩwamwiĩe ũseo ũũ mũnene wĩ wendo, atĩ nũmũnengete mwana wa kwĩkala kĩvĩlanĩ kyake kya ũsumbĩ, o ũndũ kũilyĩ ũmũnthĩ.