1 Kings 8:59 — Compare Translations

Kamba (MBIVILIA ŨVOO MŨSEO)

Kĩla ĩvinda Mwĩai Ngai, Ngai waitũ nĩalilikanae mboya na mawĩsũvano makwa kwake. Kĩla ĩvinda nĩew'ĩae andũ make Ĩsilaeli tei, na o ta ũu ayĩw'ĩa mũthũkũmi wake, na kwĩanĩasya mavata moo ma kĩla mũthenya.

Kamba (Mbivilia) 1956

Na ndeto iĩ syakwa ila namwĩsũva Yeova nasyo, nĩsyĩthĩwe vakuvĩ na Yeova Ngai waitũ mũthenya na ũtukũ, nĩ kana aseũvye ũvoo wa mũthũkũmi wake, na ũvoo wa andũ make Isilaeli, o tondũ kĩla mũthenya wĩan’ya vata;