1 Kings 9:19 — Compare Translations

Kamba (MBIVILIA ŨVOO MŨSEO)

O ta ũu nĩwaakie ndũa syake syonthe sya kwia syĩndũ, na ndũa kwondũ wa makasya make ma kaũ, na kwondũ wa asikalĩ make ma kũlĩsa mbalasinĩ. Nĩwaakie syĩndũ syonthe ila waĩ na vata nasyo nthĩnĩ wa Yelũsalemu, Levanoni, na kũndũ kw'onthe kũla ũsumbĩ wake wavikĩte.

Kamba (Mbivilia) 1956

na ndũa syonthe sya kwia mĩio ila Solomoni waĩ nasyo, na ndũa kwondũ wa makasya make ma kaũ, na ndũa sya andũ make ala matũlaa mbalasi, na kĩla Solomoni wendie kwaka kwondũ wa kwĩtanĩthya kwake Yelusaleme, na Levanoni, na nthĩ yonthe ya ũsumbĩko wake.